Kal Chodhween Ki Raat Thi Shub Bhar Raha Charcha Tera ~ Adab Kahani (Ibn-e-Insha)

Kal Chaudhwin Ki Raat Thi Shab Bhar Raha Charcha Tera
Kuchh Ne Kaha Ye Chand Hai Kuchh Ne Kaha Chehra Tera

Hum Bhi Wahin Maujud The Hum Se Bhi Sab Puchha Kiye
Hum Hans Diye Hum Chup Rahe Manzur Tha Parda Tera

Is Shahr Mein Kis Se Milen Hum Se To Chhutin Mahfilen
Har Shakhs Tera Nam Le Har Shakhs Diwana Tera

Kuche Ko Tere Chhod Kar Jogi Hi Ban Jaen Magar
Jangal Tere Parbat Tere Basti Teri Sahra Tera

Hum Aur Rasm-E-Bandagi Aashuftagi Uftadgi
Ehsan Hai Kya Kya Tera Ai Husn-E-Be-Parwa Tera

Do Ashk Jaane Kis Liye Palkon Pe Aa Kar Tik Gae
Altaf Ki Barish Teri Ikram Ka Dariya Tera

Ai Be-Daregh O Be-Aman Hum Ne Kabhi Ki Hai Fughan
Hum Ko Teri Wahshat Sahi Hum Ko Sahi Sauda Tera

Hum Par Ye Sakhti Ki Nazar Hum Hain Faqir-E-Rehguzar
Rasta Kabhi Roka Tera Daman Kabhi Thama Tera

Han Han Teri Surat Hasin Lekin Tu Aisa Bhi Nahin
Ek Shakhs Ke Ashaar Se Shohra Hua Kya Kya Tera

Bedard Sunni Ho To Chal Kahta Hai Kya Achchhi Ghazal
Aashiq Tera Ruswa Tera Shair Tera ‘Insha’ Tera

========================================

کل چودھویں کی رات تھی شب بھر رہا چرچا ترا
کچھ نے کہا یہ چاند ہے کچھ نے کہا چہرا ترا

ہم بھی وہیں موجود تھے ہم سے بھی سب پوچھا کیے
ہم ہنس دئیے ہم چپ رہے منظور تھا پردہ ترا

اس شہر میں کس سے ملیں ہم سے تو چھوٹیں محفلیں
ہر شخص تیرا نام لے ہر شخص دیوانا ترا

کوچے کو تیرے چھوڑ کر جوگی ہی بن جائیں مگر
جنگل ترے پربت ترے بستی تری صحرا ترا

ہم اور رسم بندگی آشفتگی افتادگی
احسان ہے کیا کیا ترا اے حسن بے پروا ترا

دو اشک جانے کس لیے پلکوں پہ آ کر ٹک گئے
الطاف کی بارش تری اکرام کا دریا ترا

اے بے دریغ و بے اماں ہم نے کبھی کی ہے فغاں
ہم کو تری وحشت سہی ہم کو سہی سودا ترا

ہم پر یہ سختی کی نظر ہم ہیں فقیر رہ گزر
رستہ کبھی روکا ترا دامن کبھی تھاما ترا

ہاں ہاں تری صورت حسیں لیکن تو ایسا بھی نہیں
اک شخص کے اشعار سے شہرہ ہوا کیا کیا ترا

بے درد سننی ہو تو چل کہتا ہے کیا اچھی غزل
عاشق ترا رسوا ترا شاعر ترا انشاؔ ترا

This is one very great poetry by Ibn-e-Insha. We tried to do justice with this poetry wholeheartedly and we are sharing it with the hope that it will make a special place in your heart. Let me know your feedback in the comment section.

Ibn-e-Insha is a famous poet and we are representing his famous poetry (Kal Chodhween Ki Raat Thi Shub Bhar Raha Charcha Tera).

Our Youtube Channel: https://www.youtube.com/channel/UCmVFv1kBHc_OJqF0Y1RGHDQ