Tumhaare Khat Mein Naya Ek Salam Kis Ka Tha
Na Tha Raqib To Aakhir Wo Nam Kis Ka Tha
Wo Qatl Kar Ke Mujhe Har Kisi Se Puchhte Hain
Ye Kaam Kis Ne Kiya Hai Ye Kaam Kis Ka Tha
Wafa Karenge Nibahenge Baat Manenge
Tumhein Bhi Yaad Hai Kuchh Ye Kalam Kis Ka Tha
Raha Na Dil Mein Wo Bedard Aur Dard Raha
Muqim Kaun Hua Hai Maqam Kis Ka Tha
Na Puchh-Gachh Thi Kisi Ki Wahan Na Aaw-Bhagat
Tumhaari Bazm Mein Kal Ehtimam Kis Ka Tha
Tamam Bazm Jise Sun Ke Rah Gai Mushtaq
Kaho Wo Tazkira-E-Na-Tamam Kis Ka Tha
Hamare Khat Ke To Purze Kiye Padha Bhi Nahin
Suna Jo Tu Ne Ba-Dil Wo Payam Kis Ka Tha
Uthai Kyun Na Qayamat Adu Ke Kuche Mein
Lihaz Aap Ko Waqt-E-Khiram Kis Ka Tha
Guzar Gaya Wo Zamana Kahun To Kis Se Kahun
Khayal Dil Ko Mere Subh O Sham Kis Ka Tha
Hamein To Hazrat-E-Waiz Ki Zid Ne Pilwai
Yahan Irada-E-Sharb-E-Mudam Kis Ka Tha
Agarche Dekhne Wale Tere Hazaron The
Tabah-Haal Bahut Zer-E-Baam Kis Ka Tha
Wo Kaun Tha Ki Tumhein Jis Ne Bewafa Jaana
Khayal-E-Kham Ye Sauda-E-Kham Kis Ka Tha
Inhin Sifat Se Hota Hai Aadmi Mashhur
Jo Lutf Aam Wo Karte Ye Nam Kis Ka Tha
Har Ek Se Kahte Hain Kya ‘dagh’ Bewafa Nikla
Ye Puchhe Un Se Koi Wo Ghulam Kis Ka Tha
=======================================================
تمہارے خط میں نیا اک سلام کس کا تھا
نہ تھا رقیب تو آخر وہ نام کس کا تھا
وہ قتل کر کے مجھے ہر کسی سے پوچھتے ہیں
یہ کام کس نے کیا ہے یہ کام کس کا تھا
وفا کریں گے نباہیں گے بات مانیں گے
تمہیں بھی یاد ہے کچھ یہ کلام کس کا تھا
رہا نہ دل میں وہ بے درد اور درد رہا
مقیم کون ہوا ہے مقام کس کا تھا
نہ پوچھ گچھ تھی کسی کی وہاں نہ آؤ بھگت
تمہاری بزم میں کل اہتمام کس کا تھا
تمام بزم جسے سن کے رہ گئی مشتاق
کہو وہ تذکرۂ ناتمام کس کا تھا
ہمارے خط کے تو پرزے کئے پڑھا بھی نہیں
سنا جو تو نے بہ دل وہ پیام کس کا تھا
اٹھائی کیوں نہ قیامت عدو کے کوچے میں
لحاظ آپ کو وقت خرام کس کا تھا
گزر گیا وہ زمانہ کہوں تو کس سے کہوں
خیال دل کو مرے صبح و شام کس کا تھا
ہمیں تو حضرت واعظ کی ضد نے پلوائی
یہاں ارادۂ شرب مدام کس کا تھا
اگرچہ دیکھنے والے ترے ہزاروں تھے
تباہ حال بہت زیر بام کس کا تھا
وہ کون تھا کہ تمہیں جس نے بے وفا جانا
خیال خام یہ سودائے خام کس کا تھا
انہیں صفات سے ہوتا ہے آدمی مشہور
جو لطف عام وہ کرتے یہ نام کس کا تھا
ہر اک سے کہتے ہیں کیا داغؔ بے وفا نکلا
یہ پوچھے ان سے کوئی وہ غلام کس کا تھا
This is one very great poetry by Daagh Dehlvi. We tried to do justice with this poetry wholeheartedly and we are sharing it with the hope that it will make a special place in your heart. Let me know your feedback in the comment section.
Daagh Dehlvi is a famous poet and we are representing his famous poetry (Tumharay Khat Main Ik Naya Salam Kiss Ka Tha).
Our Youtube Channel: https://www.youtube.com/channel/UCmVFv1kBHc_OJqF0Y1RGHDQ
0 Comments