Jis Sar Ko Garoor Aaj Hai Yan Taj-Wari Ka
Kal Us Pe Yahin Shor Hai Phir Nauhagari Ka
Sharminda Tere Rukh Se Hai Rukhsar Pari Ka
Chalta Nahin Kuchh Aage Tere Kabk-E-Dari Ka
Aafaq Ki Manzil Se Gaya Kaun Salamat
Asbab Luta Rah Mein Yan Har Safari Ka
Zindan Mein Bhi Shorish Na Gai Apne Junun Ki
Ab Sang Mudawa Hai Is Aashufta-Sari Ka
Har Zakhm-E-Jigar Dawar-E-Mahshar Se Hamara
Insaf-Talab Hai Teri Bedad-Gari Ka
Apni To Jahan Aankh Ladi Phir Wahin Dekho
Aaine Ko Lapka Hai Pareshan-Nazari Ka
Sad Mausam-E-Gul Hum Ko Tah-E-Baal Hi Guzre
Maqdur Na Dekha Kabhu Be-Baal-O-Pari Ka
Is Rang Se Jhamke Hai Palak Par Ki Kahe Tu
Tukda Hai Mera Ashk Aqiq-E-Jigari Ka
Kal Sair Kiya Hum Ne Samundar Ko Bhi Ja Kar
Tha Dast-E-Nigar Panja-E-Mizhgan Ki Tari Ka
Le Sans Bhi Aahista Ki Nazuk Hai Bahut Kaam
Aafaq Ki Is Kargah-E-Shishagari Ka
Tuk ‘Mir’-E-Jigar-Sokhta Ki Jald Khabar Le
Kya Yar Bharosa Hai Charagh-E-Sahari Ka
=======================================
جس سر کو غرور آج ہے یاں تاجوری کا
کل اس پہ یہیں شور ہے پھر نوحہ گری کا
شرمندہ ترے رخ سے ہے رخسار پری کا
چلتا نہیں کچھ آگے ترے کبک دری کا
آفاق کی منزل سے گیا کون سلامت
اسباب لٹا راہ میں یاں ہر سفری کا
زنداں میں بھی شورش نہ گئی اپنے جنوں کی
اب سنگ مداوا ہے اس آشفتہ سری کا
ہر زخم جگر داور محشر سے ہمارا
انصاف طلب ہے تری بیداد گری کا
اپنی تو جہاں آنکھ لڑی پھر وہیں دیکھو
آئینے کو لپکا ہے پریشاں نظری کا
صد موسم گل ہم کو تہ بال ہی گزرے
مقدور نہ دیکھا کبھو بے بال و پری کا
اس رنگ سے جھمکے ہے پلک پر کہ کہے تو
ٹکڑا ہے مرا اشک عقیق جگری کا
کل سیر کیا ہم نے سمندر کو بھی جا کر
تھا دست نگر پنجۂ مژگاں کی تری کا
لے سانس بھی آہستہ کہ نازک ہے بہت کام
آفاق کی اس کارگہ شیشہ گری کا
ٹک میرؔ جگر سوختہ کی جلد خبر لے
کیا یار بھروسا ہے چراغ سحری کا
This is one very great poetry by Mir Taqi Mir. We tried to do justice with this poetry wholeheartedly and we are sharing it with the hope that it will make a special place in your heart. Let me know your feedback in the comment section.
Mir Taqi Mir is a famous poet and we are representing his famous poetry (Jiss Sir Ko Garoor Aaj Ha Ya Tajoori Ka).
Our Youtube Channel: https://www.youtube.com/channel/UCmVFv1kBHc_OJqF0Y1RGHDQ
0 Comments