Tere Honton Pe Tabassum Ki Wo Halki Si Lakir
Mere Takhil Mein Rah Rah Ke Jhalak Uthti Hai
Yun Achanak Tere Aariz Ka Khayal Aata Hai
Jaise Zulmat Mein Koi Shama Bhadak Uthti Hai
Tere Pairahan-E-Rangin Ki Junun-Khez Mahak
Khwab Ban Ban Ke Mere Zehn Mein Lahraati Hai
Raat Ki Sard Khamoshi Mein Har Ek Jhonke Se
Tere Anfas Tere Jism Ki Aanch Aati Hai
Main Sulagte Hue Raazon Ko Ayan To Kar Dun
Lekin Un Raazon Ki Tashhir Se Ji Darta Hai
Raat Ke Khwab Ujale Mein Bayan To Kar Dun
Un Hasin Khwabon Ki Tabir Se Ji Darta Hai
Teri Sanson Ki Thakan Teri Nigahon Ka Sukut
Dar-Haqiqat Koi Rangin Shararat Hi Na Ho
Main Jise Pyar Ka Andaz Samajh Baitha Hun
Wo Tabassum Wo Takallum Teri Aadat Hi Na Ho
Sochta Hun Ki Tujhe Mil Ke Main Jis Soch Mein Hun
Pahle Us Soch Ka Maqsum Samajh Lun To Kahun
Main Tere Shahr Mein Anjaan Hun Pardesi Hun
Tere Altaf Ka Mafhum Samajh Lun To Kahun
Kahin Aisa Na Ho Panw Mere Tharra Jaen
Aur Teri Marmarin Banhon Ka Sahaara Na Mile
Ashk Bahte Rahen Khamosh Siyah Raaton Mein
Aur Tere Reshmi Aanchal Ka Kinara Na Mile
==========================================
تیرے ہونٹوں پہ تبسم کی وہ ہلکی سی لکیر
میرے تخئیل میں رہ رہ کے جھلک اٹھتی ہے
یوں اچانک ترے عارض کا خیال آتا ہے
جیسے ظلمت میں کوئی شمع بھڑک اٹھتی ہے
تیرے پیراہن رنگیں کی جنوں خیز مہک
خواب بن بن کے مرے ذہن میں لہراتی ہے
رات کی سرد خموشی میں ہر اک جھونکے سے
تیرے انفاس ترے جسم کی آنچ آتی ہے
میں سلگتے ہوئے رازوں کو عیاں تو کر دوں
لیکن ان رازوں کی تشہیر سے جی ڈرتا ہے
رات کے خواب اجالے میں بیاں تو کر دوں
ان حسیں خوابوں کی تعبیر سے جی ڈرتا ہے
تیری سانسوں کی تھکن تیری نگاہوں کا سکوت
در حقیقت کوئی رنگین شرارت ہی نہ ہو
میں جسے پیار کا انداز سمجھ بیٹھا ہوں
وہ تبسم وہ تکلم تری عادت ہی نہ ہو
سوچتا ہوں کہ تجھے مل کے میں جس سوچ میں ہوں
پہلے اس سوچ کا مقسوم سمجھ لوں تو کہوں
میں ترے شہر میں انجان ہوں پردیسی ہوں
تیرے الطاف کا مفہوم سمجھ لوں تو کہوں
کہیں ایسا نہ ہو پاؤں مرے تھرا جائیں
اور تری مرمریں بانہوں کا سہارا نہ ملے
اشک بہتے رہیں خاموش سیہ راتوں میں
اور ترے ریشمی آنچل کا کنارا نہ ملے
This is one very great poetry by Sahir Ludianvi. We tried to do justice with this poetry wholeheartedly and we are sharing it with the hope that it will make a special place in your heart. Let me know your feedback in the comment section.
Sahir Ludianvi is a famous poet and we are representing his famous poetry (Tera Honton Pa Tabassum Ki Woh Halki Si Lakeer).
Our Youtube Channel: https://www.youtube.com/channel/UCmVFv1kBHc_OJqF0Y1RGHDQ
0 Comments