Bohat Pehle Se In Qadmon Ki Ahat Jaan Letay Hein
Tujhe Aye Zindagi Hum Door Se Pehchan Letay Hein
Meri Nazrain Bhi Aesay Qatilon Ka Jaan-o-Emaan Hein
Nigahain Miltay Hi Jo Jaan Aur Emaan Letay Hein
Jisay Kehti Ha Duniya Kamyabi Waey Nadani
Isay Kin Qeemton Par Kamyab Insaan Letay Hein
Nigah Bada Goon Yun To Teri Baton Ka Kya Kehna
Teri Har Baat Lakin Ehtiyatan Chan Letay Hein
Tabiyat Apni Ghabrati Ha Jab Sunsaan Raaton Mein
Hum Aesay Mein Teri Yadon Ki Chadar Taan Letay Hein
Khud Apna Faisla Bhi Ishq Main Kafi Nahi Hota
Isay Bhi Kesay Kar Guzrain Jo Dil Main Than Lete Hain
Hayat Ishq Ka Ik Ik Nafs Jaam Shahdat Hai
Wo Jaan Naaz Bardaran Koi Asaan Lete Hain
Ham Ahangi Main Bhi Ik Chashni Ha Ikhtalafon Ki
Meri Batain Baunwanain Dagar Wo Maan Lete Hain
Teri Maqboliyat Ki Waja Wahid Teri Ramziyat
Ky Is Ko Mante Hi Kab Hain Jisko Jaan Lete Hain
Ab Is Ko Kufar Manain Ya Bulandi-e-Nazar Janain
Khudaey Do Jahan Ko Dy Ky Ham Insaan Lete Hain
Jisay Surat Batate Hain Pata Deti Hai Seerat Ka
Ibadat Dekh Kar Jis Tarhan Maini Jaan Lete Hain
Tujhay Ghata Na Hone Dain Gy Karobar Ulfat Main
Ham Apny Sar Tera Aey Dost Har Ehsan Lete Hain
Hamari Har Nazar Tujh Se Nai Sogandh Khati Hai
To Teri Har Nazar Se Ham Naya Pemaan Lete Hain
Rafeeq Zindagi Thi Ab Anees Waqt-e-Akhir Hai
Tera Aey Maut Ham Ye Dosra Ehsan Lete Hain
Zamana Wardaat-e-Qalb Sunnay Ko Tarasta Hai
Usi Se To Sar Ankhon Par Mera Dewan Lete Hain
========================================
بہت پہلے سے ان قدموں کی آہٹ جان لیتے ہیں
تجھے اے زندگی ہم دور سے پہچان لیتے ہیں
میری نظریں بھی ایسے قاتلوں کا جان ایماں ہیں
نگاہیں ملتے ہی جو جان اور ایمان لیتے ہیں
جسے کہتی ہے دُنیا کامیابی وائے نادانی
اسے کن قیمتوں پر کامیاب انسان لیتے ہیں
نگاہ بادہ گوں یوں تو تیری باتوں کا کیا کہنا
تیری ہر بات لیکن احتیاطا چھان لیتے ہیں
طبیعت اپنی گھبراتی ہے جب سنسان راتوں میں
ہم ایسے میں تیری یادوں کی چادر تان لیتے ہیں
خود اپنا فیصلہ بھی عشق میں کافی نہیں ہوتا
اسے بھی کیسے کر گزریں جو دِل میں ٹھان لیتے ہیں
حیات عشق کا اک اک نفس جام شہادت ہے
وہ جان ناز برداراں کوئی آسان لیتے ہیں
ہَم آہنگی میں بھی اک چاشنی ہے اختلافوں کی
مری باتیں بعنوان دگر وہ مان لیتے ہیں
تیری مقبولیت کی وجہ واحد تیری رمزیت
کے اِس کو مانتے ہی کب ہیں جس کو جان لیتے ہیں
اب اِس کو کُفر مانیں یا بلندئ نظر جانیں
خدائے دو جہاں کو دے کے ہَم انسان لیتے ہیں
جسے صورت بتاتے ہیں پتہ دیتی ہے سیرت کا
عبادت دیکھ کر جس طرح معنی جان لیتے ہیں
تجھے گھاٹا نہ ہونے دیں گے کاروبار اُلفت میں
ہَم اپنے سَر ترا اے دوست ہر احسان لیتے ہیں
ہماری ہر نظر تجھ سے نئی سوگوندھ کھاتی ہے
تو تیری ہر نظر سے ہَم نیا پیمان لیتے ہیں
رفیق زندگی تھی اب انیس وقت آخر ہے
ترا اے موت ہَم یہ دوسرا احسان لیتے ہیں
زمانہ واردات قلب سننے کو ترستا ہے
اسی سے تو سَر آنکھوں پر مرا دیوان لیتے ہیں
This is one very excellent piece of poetry by Firaq Gorakhpuri. We tried to do justice with this poetry wholeheartedly and we are sharing it with the hope that it will make a special place in your heart. Let me know your feedback in the comment section. Firaq Gorakhpuri is a famous poet and we are representing his famous poetry (Bohat Pehle Se In Qadmon Ki Ahat Jaan Letay Hein).
Our Youtube Channel: https://www.youtube.com/channel/UCmVFv1kBHc_OJqF0Y1RGHDQ
0 Comments